Detyrat dhe përgjegjësitë e Sekretariatit për Monitorim dhe Evaluim të Strategjive Nacionale Kundër Trafikimit me Njerëz janë:

1. Koordinon procesin e hartimit, monitorimit dhe zhvillimit të strategjive kombëtare dhe planeve të veprimit të cilat hyjnë në fushveprimtarinë e MPB-së;
   
   
2. Ofron shërbime administrativo-teknike për grupet ndërinstitucionale të strategjive;
3. Siguron që dokumentet strategjike dhe planifikuese të hartohen në pajtim me rregulloret dhe procedurat e përcaktuara nga Qeveria;
4. Mbledh informacione dhe të dhëna nga institucionet tjera për zbatimin e strategjive nacionale nën përgjegjësinë e MPB-së, si dhe analizimin dhe vlerësimin e atyre informatave;
5. Përgatit raporte analitike për Koordinatorin Nacional;
6. Monitoron dhe raporton për kryerjen e aktiviteteve që dalin nga planet e veprimit të strategjive;
7. Raporton në organizatën ndërkombëtare Greta, TIP raport;
8. Propozon ndryshime dhe përmirësime në sistemet dhe mekanizmat e strategjive nacionale përmes Koordinatorit Nacional;
9. Këshillon Koordinatorin Nacional për hapat që duhet ndërmarrë në drejtim të zbatimit të strategjive;
10. Me kërkesë të Koordinatorit Nacional përgatit takimet periodike të grupeve ndërinstitucionale për zbatim të strategjive;
11. Kujdeset që dokumentet strategjike dhe planifikuese të zhvilluara nga MPB-ja të jenë në pajtim me prioritetet e përgjithshme të Qeverisë, si dhe siguron konsistencën mes tyre;
12. Kryen analiza periodike mbi progresin e zbatimit të planeve të veprimit të të gjitha strategjive kombëtare nën përgjegjësinë e MPB-së dhe formulon rekomandime për amendamentin.
13. Koordinatori me mbështetjen e Sekretariatit për Monitorim dhe Evaluim të Strategjive Nacionale, që funksionon në kuadër të Ministrisë së Punëve të Brendshme zhvillon, koordinon dhe monitoron zbatimin e mekanizmit kombëtar të referimit për të siguruar identifikimin e duhur, referimin, ndihmën dhe mbrojtjen e viktimave të trafikimit me njerëz, përfshirë viktimat fëmijë, dhe për të siguruar se ata pranojnë ndihmën adekuate duke mbrojtur të drejtat e tyre njerëzore.